موقعك هو أول شي يشوفه الزبون لما يبحث عنك بـ Google. نصمم ونبرمج مواقع إلكترونية للشركات، المؤسسات، العيادات، والمؤتمرات بالعراق والمنطقة — مواقع تفتح بسرعة على الموبايل، تعرّف بشغلك بوضوح، وتحوّل الزائر لزبون يتواصل وياك.
ما نستخدم قوالب جاهزة. كل موقع نصممه حسب هوية مشروعك، ونبنيه بتقنيات حديثة مثل React و Supabase، ويا لوحة تحكم تحدّث منها المحتوى بنفسك، وتهيئة لمحركات البحث (SEO) حتى يطلع موقعك بنتائج البحث.
ألوان، خطوط، وصور مشروعك — مو قالب يشبه مية موقع ثاني.
يفتح بسرعة على الموبايل والإنترنت الضعيف، وهنا أغلب زوارك.
عناوين ووصف لكل صفحة، خريطة موقع، وبيانات منظمة (Schema).
تضيف وتعدل النصوص والصور والأخبار بدون ما تحتاج مبرمج.
السوشيال ميديا ممتازة حتى توصل للناس، بس هي مو ملكك: الخوارزمية تقرر منو يشوف منشورك، والحساب ممكن يتقيد بيوم وليلة. والأهم: اللي يبحث بـ Google عن "عيادة أسنان بالمنصور" أو "شركة مقاولات بالبصرة" ما يوصل لصفحة إنستغرام، يوصل لموقع.
الموقع هو العنوان الثابت لشغلك: كل خدمة إلها صفحة تطلع بالبحث، الزبون يلگى الأسعار والأعمال والموقع وطريقة التواصل بمكان واحد، وإنت تعرف منين يجون زوارك. والسوشيال يصير يدفع الناس للموقع بدل ما يكون هو كل شي.
الموقع التعريفي يعرض شغلك وخدماتك وأعمالك ويحوّل الزائر لمكالمة أو رسالة — هذا اللي تحتاجه أغلب الشركات والعيادات والمكاتب. المتجر يضيف منتجات وسلة وطلبات ودفع. والمنصة فيها حسابات مستخدمين وتفاعل، مثل التسجيل بمؤتمر أو حجز وحدة سكنية.
كل نوع إله كلفة ووقت مختلف، فحدّد شنو تريد من الزائر يسوي بالضبط: يتصل؟ يشتري؟ يسجّل؟ الجواب يحدد نوع الموقع، ونگدر نبدي بالأبسط ونكبّره بعدين.
أولاً السرعة: أغلب زوارك على موبايل وإنترنت مو دائماً قوي، والموقع البطيء يخسر الزائر وترتيبه. ثانياً صفحة مستقلة لكل خدمة، مكتوبة بالكلمات اللي الناس فعلاً تبحث بيها — "تصميم مواقع في بغداد" مو "حلول رقمية متكاملة".
ثالثاً الأساسيات التقنية: عنوان ووصف لكل صفحة، خريطة موقع، وبيانات منظمة تفهم منها Google شنو تقدّم ووين. ورابعاً حضورك برا الموقع: حساب Google Business وروابط من مواقع ثانية. نبني الأساس التقني صح من أول يوم، ونوضحلك الباقي خطوة بخطوة.
ما نعطي رقم عشوائي. السعر يتحدد من هالعوامل، وتگدر تشوفه بالدينار وإنت تختار بأداة تخطيط المشاريع.
موقع بخمس صفحات بالعربي يختلف عن موقع بعشرين صفحة بالعربي والإنكليزي.
أخبار، مشاريع، فعاليات، أو وحدات للبيع تحتاج لوحة تحكم وقاعدة بيانات.
تسجيل بمؤتمر، حجز موعد، أو طلب عرض سعر — كل وحدة منها منطق وإشعارات.
إذا النصوص والصور جاهزة عندك، الشغل أسرع. إذا تحتاج نكتب وياك المحتوى، تنضاف مرحلة.
دومين .com يتسجل بدقائق، و .iq يحتاج أوراق رسمية. والاستضافة كلفة سنوية صغيرة حسب حجم الموقع.
تجاوب على أسئلة بسيطة بأداة تخطيط المشاريع، وتشوف السعر التقديري بالدينار يتحدّث وياك قبل أي التزام.
نحوّل اختياراتك لخطة: مراحل ومهام بأولويات واضحة، حتى تعرف شنو ينبني أول وشنو بعدين.
تشوف المراحل والمهام المنجزة من بوابة العميل، وتسأل الفريق مباشرة بدل ما تنتظر تقرير.
ننشر المشروع على الدومين أو المتاجر، ونتأكد إنه يشتغل صح على الأجهزة اللي يستخدمها زبائنك.
بعد الإطلاق نبقى وياك: إصلاحات، تحديثات، وميزات جديدة لما شغلك يكبر.
يعتمد على حجم الموقع وعدد الصفحات والميزات. خطة المشروع اللي نسويها وياك تقسّم الشغل لمراحل واضحة، وتتابع التقدم أول بأول من بوابة العميل.
إي. نهتم بالأساسيات اللي يحتاجها الموقع حتى يظهر بـ Google: عنوان ووصف لكل صفحة، خريطة موقع، بيانات منظمة، وسرعة تحميل عالية.
إي، نبنيلك لوحة تحكم تضيف وتعدّل منها النصوص والصور والأخبار بدون ما تحتاج مبرمج.
.com يتسجل فوراً وينفع إذا تخدم زبائن برا العراق هم. .iq يعطي طابع محلي بس تسجيله يحتاج أوراق رسمية ووقت أطول. بالحالتين ننصح الدومين يتسجل باسمك إنت.
إي. نبني مواقع بلغة وحدة أو بلغتين، وكل لغة إلها صفحاتها وعناوينها حتى تطلع بنتائج البحث بالعربي والإنكليزي.
نصممه للموبايل أول، لأن أغلب الزوار بالعراق يدخلون من تلفوناتهم، وبعدين نتأكد إنه مرتب على اللابتوب والتابلت.
خطط مشروعك بنفسك وشوف السعر بالدينار خطوة بخطوة — بدون التزام.